பேரழகு

கதிரவன் உதிக்கும்போதும்

கார்மேகம் சூழும்போதும்

அந்தி மாலை சிவக்கும்போதும்

அழகு நிலவு பிறக்கும்போதும்

வானம் அழகு

சேற்றில் தவளை தாவும்போதும்

செந்தாமரை பூக்கும்போதும்

கரை தழும்பி நிற்கும்போதும்

கன்னி பெண்கள் குளிக்கும்போதும்

கெளுத்தி மீனை வெள்ளை கொக்கு

கொத்திகொண்டு பறக்கும்போதும்

குளம் அழகு

மேகம் கருக்கும்போதும்

மின்னல் சிரிக்கும்போதும்

மண் வாசம் வீசும்போதும்

இடிகொண்டு பேசும்போதும்

முத்து மழைத்துளி ஒன்று

என்னை முத்தமிடும்போதும்

சாரல் வரும் என்று

சன்னல் சாத்தும்போது

சாரம் வழியாக வழிந்து வந்து

சண்டை பிடிக்கும்போதும்

மழை அழகு

கனவிலே சிரிக்கும்போதும்

காலால் உதைக்கும்போதும்

பசி வந்தால் அழும்போதும்

முட்டி,முட்டி பால்

குடிக்கும்போதும்

தொட்டிலில் கிடக்கும்போதும்

தொல்லை பல கொடுக்கும்போதும்

குழந்தை அழகு

தேரில் வரும் தேவதையாய் அவள்

தெருவில் வரும்போதும்

பச்சரிசி மாவிடித்து

கோலமிடும் போதும்

பாவாடை தாவணியில் வந்து

பட்டாசு கொளுத்தும்போதும்

மயில் தோகை கூந்தலுக்கு

சிக்கெடுக்கும்போதும்

மல்லிகை பூ சூடும்போதும்

மஞ்சலரைத்து பூசும்போதும்

கோபமாய் முறைக்கும்போதும்

கொஞ்சி விளையாடும்போதும்

செல்லமாய் சிணுங்கும்போதும்

சின்னதாய் சிரிக்கும்போதும்

போதும்! போதும்!!

நீ மட்டும் போதும் என்னவளே!

நீ தான் பேரழகு